Marlaxka Xake Kluba sarean izandako oihartzuna ospatzen ari da
Interneteko orrialdeetan bisiten zifra esanguratsua lortu dute, eta horregatik, "oso kontent" daudela adierazi dute.
Marlaxka Xake Klubak hamaika urteko ahalegina eta gero, 700.338 bisita jaso dituzte haien webguneetan, klubak emandako datuen arabera. Euskarazko orrialdeak 106.159 bisita izan ditu, eta gaztelaniazkoak gainontzekoak.
Hori dela eta, “oso kontent” daudela diote, “gure klubeko paretak gainditzeaz gain, gure eskualdetik haratagoko oihartzuna izan dugulako”.
Ahalegin bikoitza izango zela jakinda, bi hizkuntzatan sortu zuten elkar lotuta dauden bi orrialdeak, eta hasieratik hori hala izango zela argi izan zutela adierazi dute: “Hasieratik argi baikenuen gure webgunea elebiduna izango zela, euskaraz eta gaztelaniaz idatzitakoa”.
Bukatzeko, eskerrak eman dizkiote Hondarribiko Udalari eta haien babesleei jasotako babes eta laguntzagatik.
