"Adinekoen isolamendua prebenitzeko" beste programa bat abiatu du udalak
Aurten ere bakarrik bizi diren 75 urtetik gorako herritarrei Gizarte Ongizate sailean dagoen informazio guztia erraztuko diete. Orotara 310 lagunek jasoko dute laguntza.
Adineko pertsonentzako estimulazio kognitiborako tailerrak abiatu dituzte. Aste honetan abiatu dute adinekoen isolamendua prebenitzeko asmoa duen aurtengo programa. Udalerrian bakarrik bizi diren 75 urtetik gorako adinekoei hirian zer zerbitzu eta jarduera ematen diren jakinaraziko diete. Gizarte Ongizate sailean dagoen informazio guztia erraztuko diete. Orotara, 310 laguni lagunduko diete.
“COVID-19agatik oso zaila izan den aldi baten ondoren, kolektibo horrek, hala moduko eragina jasan baitu, oinarrizko baliabide hori berriro erabil dezake. Baliabide hau oso garrantzitsua da, lagundu egiten baitigu gizartetik bakartuta geratzeko arriskuaren adierazleak detektatzen. Gaur-gaurko gaia da hori, eta udalak urte asko darama arreta jartzen horretan”, esan du Gizarte Ongizate saileko ordezkari David Nuñok.
Urteko lehen zatian 155 lagunekin ariko dira, eta bigarren seihilekoan gainerakoekin. Gutun bana jasoko dute partaide guztiek.
