Lapurreta egin dute Lakaxita gaztetxean
Hilaren 22, 23 eta 24ko gauean egin zituzten lapurretak, eta azken urtean, guztira, sei izan dira. Lakaxitaren arabera, hainbat neurri hartu dituzten arren lapurretak ekiditeko, lapurrek barrura sartu ahal izan dute material, gailu eta dirua eramanez.
Hainbat lapurreta izan dituzte Lakaxita gaztetxean azken egunetan, hori salatu berri dute bertako kideek. Zehazki, hilaren 22, 23 eta 24ko gauean egin zituzten lapurretak, eta azken urtean, guztira, sei izan dira.
Lakaxitaren arabera, hainbat neurri hartu dituzten arren lapurretak ekiditeko, lapurrek barrura sartu ahal izan dute material, gailu eta dirua eramanez. «Azken lapurretekin gure pazientziak gainezka egin du», adierazi dute Lakaxitatik. Pandemiak zuzenean eragin diela gogorarazi du, «gure ekonomia prekarizatuz».
Egoera horren aurrean, herritarrei laguntza eta auzolana eskatu diete, eta itsulapikoak jarriko dituzte herriko zenbait tokitan dirua berreskuratzeko, eta materiala eskatzen ere hasiko dira. Herritarren laguntza ezinbestekotzat jo dute eduki dituzten kalte guztiak «lausotu eta konpontzeko».
