Sareren deialdiari "erabateko babesa" eman dio sostengu taldeak
Euskal preso, iheslari, eta erbesteratuen aldeko Hondarribiko sostengu taldeak Sarek larunbaterako egindako deialdian parte hartzera deitu ditu herritarrak.
Sareren deialdiarekin bat egin du sostengu taldeak.
Euskal preso, iheslari, eta erbesteratuen aldeko Hondarribiko sostengu taldeak “erabateko babesa” eman dio Sare herritarrak larunbaterako egindako deialdiari. Euskal presoen kolektiboaren aldeko urtarrileko manifestazioak “ikur” bihurtu direla berretsi dute, eta beraz, pandemiaren eraginez tokian tokiko mobilizazioak begi onez ikusi dituzte kideek. Areago, normalizazioaren bidean beharrezkoa dela uste dute: “Deialdiak dioen moduan elkarbizitzarako, eta bakerako euskal preso politiko, iheslari, eta erbesteratuak etxean nahi ditugu”. Hala, hilaren 8an, San Pedro kalean (17:00) deitutako mobilizazioan parte hartzera animatu nahi izan dituzte herritarrak “guztion bultzada” ezinbestekoa baita.
