15.000 euro, Tazacorteko arrantzaleentzat
Itsaskari Baita Klub Nautikoak, Done Pedro Itsasgizonen Kofradiak eta Hondarribiko Udalak abiatutako jarduerei esker, Tazacorteko marinelak laguntzeko 15.000 euro bildu dituzte jada.
Tazacorteko arrantzaleen aldeko kontzertua.
Hondarribiko Udalak eman du albistea: Tazacorteko (La Palma, Kanaria uharteak) Arrantzaleen Kofradia laguntzeko 15.000 euro bildu dituzte, momentuz. Itsaskari Baita Klub Nautikoak, Done Pedro Itsasgizonen Kofradiak eta udalak berak elkarlanean abiatutako dinamikari esker bildu dute aipatutako dirua.
Juan Luis Silanes Kultura zinegotzia asebete agertu da eragile guztien arteko elkarlanarengatik, eta inplikatu guztiek egindako ahalegina nabarmendu du.
Momentuz, ez dituzte San Tomas egunean egindako zozketaren irabazleak ezagutarazi.
