[Bideoa] Basque Team fundazioaren bikaintasun proiektua zuzenduko du Txema Olazabalek
Olinpiar Jokoetan eta nazioarteko zirkuituetan euskal jokalarien presentzia bermatzea da helburua; plangintzan, laguntza teknikoan, eta prestakuntza fisikoan gidatuko du taldea Olazabalek.
BAT Basque Team fundazioak eta Euskadiko Golf Federazioak goi mailako golfari euskaldunak entrenatzeko bikaintasun proiektua abiatu dute, komunikabide ezberdinek atzo publiko egin zutenez. Jose Maria Txema Olazabal golf jokalari hondarribiarrak gidatuko du proiektua, eta nazioarteko zirkuituetan zein Olinpiar Jokoetan euskal presentzia bermatzea da helburua.
Horretarako, plangintzan, laguntza teknikoan, eta prestakuntza fisikoan laguntza emango du Olazabalek. Besteak beste, ondoko zazpi golfariekin lanean hasiko da lehenik eta behin hondarribiarra: Nieves Martin Torre, Javier Sainz Delgado, Joseba Torre Olazabal, Maria Villanueva Aperribai, Natalia Aseginolaza Martin, Roberto Garagorri Aldeanueva eta Borja Martín Torre.
Gogoratzekoa da Txema Olazabal hondarribiarra ospe handiko golf jokalaria dela. Haren garaipenen artean daude Augustako The Masters-eko bi lehiaketa, eta bost Ryder Cup, horien artean azkena entrenatzaile gisa.
Ondokoa da atzo BAT Basque Team fundazioak proiektua aurkezteko publiko egindako bideoa:
