Gipuzkoako liga Bidasoa jaisten hasiko dute Santiagotarrakeko arraunlariek
Behobiatik abiatuko dira, larunbatean, aulki mugikorreko infantil, kadete, jubenil eta seniorrak. Guztira, 24 ontzitan banatuko dira 57 arraunlariak.
Larunbat honetan, Gipuzkoako aulki mugikorreko ligako Bidasoko lehenengo jaitsieran parte hartuko dute Santiagotarrak KE-BM-ren infantil eta kadeteek. Guztira, talde irundarraren 57 kirolari ariko dira arraunean, 24 arrainontziekin.
Kadete eta infantilak 4.000 metrotako erloju kontrakoan egingo dute lehia, eta minutu bateko desberdintasunarekin aterako dira Behobiako zubitik, Hondarribiko Puntalea auzoraino.
Aldiz, jubenil eta seniorrek 6.000 metroko jaitsiera osatu beharko dute, baita ere erlojuaren aurka eta irteerak minutuero direlarik. Kasu honetan, Behobian dagoen Puntxasetik hasiko dira, helmuga beste kategorien bera izanik.
Arrauneko Euskal Federazioak antolatzen duen jaitsierarako puntuagarria izango da txapelketa hau. Halaber, denboraldi honetan, urtarrilaren 15 eta 29an, beste bi aldiz jaitsiko du klubak Bidasoa.
