Hitzordu bikoitza dute Real Union eta Hondarribiko beteranoek
Lehen partida asteburu honetan jokatuko dute Hondartza zelaian, eta hurrengoa, abenduaren 26an, Stadium Gal-en ondoko zelaitxoan.
Real Unioneko eta Hondarribia Futbol Elkarteko beteranoek hitzordu bikoitza dute abendurako. Lehena, igande honetan, 11:00etatik aurrera izango da, Hondarribiarren Hondartza zelaian. Talde berdeak 50 urte bete ditu, eta asmoa, urte osoan zehar egin bezala, ospatzea izango da. Guztira, hiru partida jokatuko dituzte eskualdeko bi taldeek eta Real Sociedad-eko beteranoek:
-
11:00etan, Hondarribia-Real Union
-
11:45ean, Real Sociedad-Real Union
-
12:30ean, Hondarribia-Real Sociedad
Bestalde, abenduaren 26an, Irungo Stadium Gal-en ondoko zelaitxoan, laugarren Irun Hiria beteranoen torneoa jokatuko dute. Bertan, Real Union, Hondarribia Futbol Elkartea eta Behobia Kirol Kluba arituko dira norgehiagokan, formatu triangeluarrean beste behin.
