Memoria Demokratikoaren legean aintzat hartzeko proposamenak egin ditu Nikolas Gerendiain elkarte errepublikanoak
Giza Eskubideen Nazioarteko Egunaren atarian, 1936. urteko estatu kolpearen eta frankismoaren biktimek haien eskubideak kontuan izateko hainbat eskakizun egin dituzte, lega batean bilakatzea nahi dituztenak.
Bihar Giza Eskubideen Nazioarteko Eguna denez adierazpena kaleratu du Nikolas Gerendiain elkarte errepublikanoak. Gaur egun Euskal Herrian eskubide urraketak gertatzen ari direla salatu dute, eta honen ondorioak langabezia, lan prekarizazioa eta faktore anitzeko diskriminazioak direla arrazoitu dute.
Erregimen frankistaren errepresaliatuek, 1936ko estatu kolpean ezarritako sistema ekonomiko eta erregimen soziopolitikoaren ondorioak jasaten dituztela adierazi dute ere. Zentzu honetan, haien eskubideen defentsan Memoria Demokratikoaren lege berri bat aurkeztu zela Espainiako Kongresuan azaldu dute.
Eskuin muturra dagoen testuinguruan izango dela biharko eguna oroitu dute, eta horregatik “aurtengo giza eskubideen eguna garrantzitsua eta berezia” dela nabarmendu dute. Arestian aipatutako legean kontuan izateko hainbat eskakizun egin dituzte: Errepresio legedi militar eta frankista osoa deuseztatzea, 1977ko amnistia legearen deuseza deklaratzea, egia jakitea eskubidea bermatzea eta hobi komunak aurkitzea.
