COVID-19aren goranzko joerak etenik ez du
Bi herriak gorri, eta tasari erreparatuta, 1.000ko langa pasata.
COVID-19ak azken asteetan hartutako goranzko joerak ez du etenik; kutsatzeek gora egin dute, eta ondorioz, baita tasek ere. Irun eta Hondarribian nabarmen egin dute gora azken horiek. Positiboen kontaketak goranzko norabidean jarraitzen du azken hiru egunetako datuei erreparatuta; 206 positibo zenbatu dituzte astelehenetik asteazkenera bi udalerrietan, aurreko asteko epea berean 161 izan ziren, 22 gehiago beraz aste honetan.
Positiboen kopururik altuena, populatuena den herria izanik logikoa, Irunen, 171. Hondarribian 35 zenbatu dituzte. Hiru egunetan 206 positibo hauteman dituzte, aurreko asteko epe beran 196 zenbatu zituzten, azken hiru egunetan, beraz, 10 gehiago izan dira.
Bi herriak gorri, eta tasari erreparatuta, 1.000ko langa pasata.
Jarraian, bi herrietako datu eguneratuak, gaur Osasun Sailak zabaldu duen txostenetik ateratakoak:
- Irun. Tasa: 1.212,16 (joan den asteko asteazkenean 948koa zen). Positiboak (astelehena-asteartea-asteazkena): 69-52-50.
- Hondarribia. Tasa: 1.095,15 (joan den asteko asteazkenean 1.036ekoa zen). Positiboak (astelehena-asteartea-asteazkena): 18-11-6.
