Be Veggie jaialdia "ingurumenarekiko iraunkorra" izan dela baloratu dute antolatzaileek
Jaialdiak Ihobek "ingurumenarekiko iraunkorra" izateko ezarritako helburuarekin bete duela baieztatu dute antolatzaileek. Horretarako, erakusketarien eta bertaratu direnen joerak hartuko dituzte aintzat.
5.000 pertsona inguruk hartu dute jaialdiaren proposamen ezberdinetan. Asteburuan izan den Be Veggie jaialdiaren balantzea egin du udalak. Antolatzaileek luzatutako datuen arabera, guztira 5.000 pertsona pasa dira bertatik eta 900 baino gehiagok hartu dute parte proposatutako ekintza ezberdinetan.
Azoka berriz aurrez aurre egin izanak beganismoak sektore publiko berrietara iristeko duen interesa agerian utzi duela uste dute: “Hala islatzen du erakusketarien % 70en jatorria Euskaditik kanpokoa izateak”.
Bisitari gehienak gipuzkoarrak izan dira, %80a zehazki, eta gainontzekoak inguruko beste eskualdeetatik gerturatu dira, hala nola, %6a Ipar Euskal Herritik. Giro onarekin topatu direla baieztatu dute jaialdiaren arduradunek.
Ihobe Eusko Jaurlaritzaren ingurumen kudeaketarako sozietate publikoa da, eta haiek sustatzen duten Erronka Garbia ekimenaren helburuarekin bat egin dutela azaldu dute. Zigilu honek ekimena ingurumenarekiko iraunkorra dela ziurtatzen du: “Helburua [Erronka Garbia], ekitaldiak egitearekin lotutako ingurumenaren gaineko inpaktu negatiboak minimizatzea da”.
Zentzu honetan, erakusketariek sortu dituzten hondakinen % 50 edo gehiago behar bezala sailkatu dituzte, 200 pertsona baino gehiago trenez joan dira, %32 garraiobide iraunkorrean mugitu da eta 300 pertsona baino gehiagok kafea eta edaria berrerabiltzeko moduko ontzia probatu dute.
