800dik gora lagunek bisitatu dute plan orokorraren aurrerapen erakusketa
200dik gora herritarrek parte hartu dute bilera zein tailerretan, eta plan orokorrari bideratutako webgunean 4.000 sarreratik gora zenbatu dituzte.
Plan orokorraren aurrerapena Arma Plazan.
Hondarribiko Hiri Antolamendu Plan Orokorraren (HAPO) aurrerapena gizarteratzeko abiatutako dinamikek datu «oso onak» utzi ditu EAJren udal gobernuarentzat. Zabaldutako kopuruen arabera, 844 lagunek bisitatu dute erakusketa, 209k parte hartu dute tailer zein hitzaldietan, eta 4.015 izan dira HAPOaren webgune berezian zenbatutako sarrerak. Azkenik, 95 lagun arkitektoarekin bildu dira zalantzak argitzeko asmoz.
Orain, bildutako proposamenak aztertzen ari da Hondarribiko Hirigintza departamentua. Onartutako eta baztertutako aukerak jasoko ditu ondoren HAPOa erredaktatzeko arduradunak. Hasierako dokumentua idazten hasteko irizpideak eta helburuak osoko bilkuran onartuko dira azkenik.
