European Leagueko partida jokatuko du gaur Bidasoak Fenixen kontra
Etxean jokatuko du talde irundarrak hirugarren jardunaldiko partidua, 20:45ean. Zuzenean ikusi ahal izango da ETB4n.
Bidasoa Artelekun. European Leagueko hirugarren jardunaldiko partida jokatuko du gaur, Bidasoak. Fenix Okzitaniako Tolosako taldea izango du aurrez aurre, 20:45etik aurrera, Artalekun.
Garaipena etxean geratzeko asmoarekin irtengo da Bidasoa kantxara. Konfiantza berreskuratu dute irundarrek, aurreko jardunaldian Presoven kontra irabazi ondoren, eta, gainera, bost garaipen jarraian lortu dituzte Asobal ligan. Fenix, ordea, lehenengo bi puntuak erdiesteko borrokatu da: une honetan hurrengo fasetik kanpo daude okzitaniarrak, oraingoz, ez baitute punturik lortu.
Sei talde daude Bidasoaren multzoan, eta horietatik lau sailkatuko dira hurrengo fasera. Momentuz, Bidasoa horietako bat izango litzateke, hirugarren tokian baitago.
Artalekura joateko aukerarik ez duenak, ETB4n ikusi ahal izango du partida zuzenean.
“Artalekuk eztanda egin behar du”
Jacobo Cuetara Bidasoko entrenatzailearen esanetan, gaurko gakoetako bat zaleen babesa izango da: “Artalekuk eztanda egin behar du. Partida honetan oso garrantzitsua izango da zaleek babestu eta animatzea”. Cuetararen arabera, “zailtasun oso oso handiko” partida izango da.
