Behobia-Donostiarako dispositiboaren berri eman du Txinzerrek
Biharko Behobia-Donostiaren Irungo zatian ur puntuen eta garbiketaren inguruko argibideak eman ditu Txingudiko Zerbitzuak-ek.
Behobia Donostian korrikalariak ura hartzen.
Behobia-Donostiaren Irungo zatian korrikalarientzako ur puntuen eta garbiketaren gaineko argibideak eman ditu gaur Txingudiko Zerbitzuak-ek (Txinzer). Enpresa publikoak jakinarazi duenez, lasterketaren irteeran, Colon ibilbidean eta Gaintxurizketako igoeran ezarriko ditu lasterkarientzako ur puntuak. Horrez gain, parte hartzaile bakoitzarentzako hiru edalontzi prestatu ditu Txinzerrek: «75.000 bat edalontzi guztira, gutxi gorabehera».
Garbiketari dagokionez, zerbitzua 30 langile gehiagorekin indartuko dela ezagutarazi du, horiek edukiontzien, mahaien, banderolen… garbiketaz zein lekualdaketaz arduratuko direlarik. Lasterketaren hurrengo egunetan, hondakinen banaketa burutuko dute beharginek Garbigunean. Garbiketa dispositiboak 6.000 bat euroko kostua duela adierazi dute Txinzerreko arduradunek.
