Tximeleta moreak bildu nahi ditu Emekik A25erako
Tximeleten Taupada proiektuarekin bat egingo du Emeki emakume elkarteak A25ean; tximeleta moreak ehuntzera edo margotzera deitu du taldeak.
Tximeleten Taupada proiektuarekin bat egingo du Emekik A25ean.
Tximeleta moreak sortzera deitu du Emeki emakumeen elkarteak A25 Indarkeria Matxistaren Kontrako Nazioarteko Egunean. Hala jakinarazi du taldeak ohar baten bitartez, eta erantsi duenez, tximeletak ehundu edo margotu ditzakete parte hartzaileek. «Tximeletak gure lokaleko espazio komuna apaintzeko erabiliko ditugu, indarkeria matxistaren eta bikarioaren biktima guztiak ikusarazteko eta gogoratzeko», azaldu dute.
Tximeleten Taupada proiektuarekin bat egingo du aurtengo A25ean Emekik. Itziar Prats Fernandez eta Isabel Gallardo Sanchez dira egitasmoaren sortzaileak, eta hilketa bikario baten ondorioz abiatu zuten proiektua.
Emekik jakinarazi duenez, ondoko ordutegian bilduko ditu tximeletak:
- Astelehena: 10:00etatik 12:00etara eta 16:00etatik 20:00etara.
- Asteartea: 17:00etatik 19:00etara.
- Asteazkena: 15:00etatik 17:00etara.
- Osteguna: 18:00etatik 20:00etara.
- Ostirala: 16:00etatik 20:00etara.
