Zubieta lursailean sagarrondoak landatzeko 12 hektarea gaitu dituzte
Gipuzkoako Foru Aldundiak ia 12 hektarea prestatu ditu nekazaritza ustiapenerako. Esleipenerako izena emateko epea hilaren 16an bukatuko da.
Nekazaritza Lur Funtsa proiektuaren baitan bi deialdi berri ireki ditu aldundiak Lezo eta Hondarribiko lursailetan. 
Nekazaritza Lurren Funtsa proiektuaren baitan, Gipuzkoako Foru Aldundiak 15 hektarea berri bideratu ditu Lezo eta Hondarribian nekazaritza ustiapena emango dioten gipuzkoarrentzat. Interesdunek telematikoki eman beharko dute izena Aldundiaren webgunean, hilaren 11 baino lehen Lezoko deialdian, eta hilaren 16a baino lehen Hondarribikoan.
Hondarribiko lursaila handiena da (11,85 hektarea), eta lehen aldiz Hondarribiko Zubieta finkan kokatzen da, zeina sagarrondoak landatzeko bideratua izango den. Esleipena 15 urterako izango da, beste 15 urte luzatzeko aukerarekin.
Lezoko deialdiko lurrak hiru gune hauetan kokatzen dira: Olaizola baserriko lurrak, Urrelekuko lursaila eta Gaintxurizketa Gaina.
Lursailak izendatzerakoan, lehentasuna emango zaie modu profesionalean jarduera nagusi gisa nekazaritzan aritzen diren pertsonei, gazteei eta emakumeei.
