Ricardo Etxepare hil da
1983an Irungo alkate izan zen epe laburrean, eta EHUren Udako Euskal Unibertsitateko zuzendari izan zen 1985etik 2007ra.
Ricardo Etxepare Ricardo Etxepare Zugasti hil da, 73 urterekin. Irundarra, 1983an epe laburrez Irungo alkate izandakoa, eta bi hamarkadetan EHUren Udako Ikastaroetako zuzendari.
Formakuntzaz irakaslea zen, eta Donostiako Ingeniaritza Teknikoko Eskolako zuzendaria izan zen 21 urtez. Edozein kasutan, EHUri lotuta ibili zen profesionalki, 1985etik 2007ra Udako Ikastaroetako zuzendari izan baitzen. 2015ean hartu zuen erretiroa.
Ibilbide politikoa ere egin zuen Irungo alkate izan zen denbora batez EAJrekin, baina epai bat tarteko, Alberto Buenek (PSE) hartu zuen lekukoa. Horrez gain, Gipuzkoako Kultura diputatu ere izan zen.
2002an Donostiako Urrezko danborra jaso zuen.
Erreakzioak
Irungo EGIk gogoan izan du Etxepare eta doluminak eman dizkie senide eta lagunei.
