Aurrekontu partehartzaileek badituzte proposamen finalistak
Datorren urteko kontuetan sartzeko aukera zuten hogei proposamen finalisten artean jada bederatzi hautatu dituzte herritarrek. Ia 1,3 milioi euro zertan inbertitu erabaki dute.
Prozesuaren bigarren saioa egin zen Palmera Montero gunean, bildutako ideiak finalera pasa aurretik. Joan den astearte gauerdian itxitzat eman zuten 2022ko aurrekontu partehartzaileen fase finala. Beraz, datorren urteko kontuetan sartzeko prozesu orokorrean aukera zuten hogei proposamen finalisten artean jada 9 hautatu dituzte herritarrek. Orotara ia 1,3 milioi euro zertan inbertitu erabaki dute prozesuan zehar parte hartu duten 1.404 lagunek.
Ondorengoak dira herritarrek gehien bozkatu dituzten proposamenak, bakoitzean egingo duten inbertsioarekin:
- Hirian zehar segurtasun kamera gehiago instalatzeko 170.000 euro inbertitzea (61 boto).
- Bidegorrien eraikuntza hobetzea eta hondatuak dauden zatiak aztertzea hobetzeko helburuarekin, 130.000 euro inbertitzea (645 boto).
- Hiriko kultura ikuskizunen kalitatea handitzea eta hobetzea (475 boto, 150.000 euro).
- Zebra bideetako espaloiak jaistea, “mugikortasuna errazteko”, (452 boto, 200.000 euro).
- Udaltzaingoaren lana errazteko segurtasun tresnetan aurrekontua 210.000 euro handitzea (399 boto.
- Hilero, erdiguneko plaza batean bigarren eskuko azoka bat antolatzea non herritarrek objektuak erosi, saldu edo trukatzeko aukera izan dezaten, (327 boto, 6.000 euro).
- Oinaurreko haur-parkea handitzea eta estaltzea, urteko edozein garaitan erabili ahal izan dadin
eta joko elementuak gehitzea, hondatutakoak ordezteko: (325 boto, 400.000 euro). - Auzoak txandakatuko dituzten kultur jarduera gehiago antolatzeko (20.000 euro, 309 boto.
- Homofobia eta xenofobiaren kontrako kanpainarako 6.000 euro inbertitzea (189 boto).
Gazteentzako aurrekontuak
Bestalde, gazteentzako prozesuan 160 gaztek parte hartu dute edizio honetan eta guztira 665 boto jaso ditu udalak. Helduen aurrekontua ia 1,3 milioi eurokoa bada, gazteena zehazki 202.200 eurokoa izango da. Hauek dira gazteek gehien bozkatu dituzten proposamenak:
- Biztanle gazteei etxebizitza alokatzeko zuzentzeko laguntzen lerro bat irekitzea, 90.000 eurokoa, 110 boto.
- Parkeetan zuhaitzen identifikazio txartelak jarri jendearen ezagutza sustatzeko 5.000 euro bideratzea (proposamen hau bi prozesuetatik soberatutako zenbatekoarekin erreskatatu du udalak).
- Junkaleko plazatxoan aire zabaleko zinemaren programazioa zabaltzea, (30 boto, 4.500 euro).
- Txaranga Eguna antolatzeko 10.000 euro bideratzea (68 boto).
- Bizikletak erreparatzeko geltokiak jartzea leku estrategikoetan (34 boto 12.000 euro)
- Irunen kontzertu eta musika koraleko jarduera gehiago eskaintzea, batez ere gazteentzat, eta Gabonetan abesbatzak sustatzeko (3.500 euro, 23boto).
- Finantza hezkuntzako doako ikastaro bat antolatzeko 1.200 euro bideratzea (36 boto).
- Musika jaialdi bat antolatzea eta urte osoan kontzertuak egoteko 10.000 euro inbertitzea (72 boto).
- Abeslarien eta taldeen musika kontzertu gehiago programatzea gazteentzako, 36.000 euroko inbertsioarekin (63 boto).
- Asteburuetan aisialdi alternatiboa eskaintzeko 30.000 euro inbertitzea (59 boto).
