Kanaria Handia eta Hondarribia lotuko ditu Binterrek abendutik
Kanaria uharteetako aire konpainiak hegaldiak eskainiko ditu aerodromo gipuzkoarretik astean bitan; azken helmuga Kanarietako edozein irla izan daitekeela ezagutarazi du Binterrek.
Binterrek hegaldiak eskainiko ditu Hondarribitik.
Hondarribia eta Kanaria uharteak lotuko ditu Binter aire konpainiak abendutik aurrera. Hala jakinarazi du gaur goizean Binterrek, eta erantsi duenez, azken helmugak ez du Kanaria Handia izan beharko, irlen arteko debaldeko konexioa eskaintzen baitu konpainiak.
Astean bitan konektatutako ditu Kanaria Handiko eta Hondarribiko aireportuak, zehazki, asteazken eta igandetan. 08:30ean aireratuko dira hegaldiak Kanarietan, eta 12:35ean lurreratu Gipuzkoan. Hondarribitik, bestalde, 13:15ean aterako dira, eta 15:20ean Kanaria uharteetara iritsi.
Era berean, lehen promozioa jarri du martxan Binterrek: 94,05 euroko gutxieneko prezioa bide bakoitzerako azaroaren 2a baino lehen txartelak erosten dituztenentzako. Promozioan erositako txartelak abendu hasieratik otsailaren 28ra bitartean erabili beharko dituzte erosleek.
