Santiagotarrak, Euskadiko Eslalom Txapelketan nagusi
Taldekako sailkapenean lehen postua eskuratzeaz gain, hogei dominarekin itzuli dira, urrezko sei, zilarrezko sei eta brontzezko zortzi.
Asteburu oparoa izan da Santiagotarrak kirol elkartearentzat. Eslalom Olinpikoko Euskadiko Txapelketa jokatu dute asteburu honetan Paben, garaipenarekin gainera. Taldekako sailkapenean lehen postua eskuratzeaz gainera, ur bizietako kirolariek hogei domina eskuratu dituzte orotara, urrezko sei, zilarrezko sei eta brontzezko zortzi.
Klara Olazabal (C1 seniorrean), Haritz Azanza (K1 juniorrean), Aitor Irondo (K1 hasiberrietan), Javier Arruabarrena (C1 hasiberrietan), IZar Garcia (C1 hasiberrietan) eta Hasier Rodriguez, Telmo Olazabal eta Mikel Altunak osatutako hirukoteak (K1 patruiletan) eskuratu dute urrezko domina bana. Zilarrezkoak aldiz, Telmo Olazabalek (K1 seniorrean), Javier Arruabarrenak (K1 hasiberrietan), Haritz Azanzak (C1 juniorrean, Ainara Azanzak (K1 hasiberreitan) eta Edurne Gomezek, Klara Olazabalek eta Maialen Olasok eta Iñaki Azkonobieta, Aimar Arana eta Haritz Azanzak osatutako hirukoteek (K1 patruiletan bi hirukoteak) irabazi dituzte. Azkenik, ondorengoak dira brontzezkoa eskuratu duten eskualeko kirolariak: Iñaki Azkonobietak (K1 seniorrean), Aimar Aranak (K1 juniorrean), Oscar Garciak (K1 hasiberrietan), Jose Calasanzek (C1 seniorrean), Izar Garciak (K1 hasiberrietan), Maialen Olasok (C1 juniorrean), Aitor Iriondok (C1 hasiberrietan) eta Ainara Azanzak (C1 hasiberrietan).
