Astebetean, zazpi COVID-19 positibo Hondarribian eta hemeretzi Irunen
Azken hamalau egunetako 100.000 biztanleko tasa 38koa da Irunen, eta 52koa Hondarribian. Astebetean hazi egin dira tasa horiek.
Hilaren 11tik 17ra (joan den asteko astelehenetik atzora arte), Irunen eta Hondarribian 26 COVID-19 positibo izan dira, hemeretzi Irunen eta zazpi Hondarribian. Gauzak horrela, Irungo azken hamalau egunetako 100.000 biztanleko tasa 38koa da, eta Hondarribikoa 52koa; duela astebete (hilaren 10ko igandean) Irungo tasa 24koa zen, eta 11koa Hondarribikoa. Beraz, astebetean tasek pixka bat gora egin dute.
Eusko Jaurlaritzako Osasun Saila astero hasi da koronabirusaren eraginaren gaineko datuak ematen, lehen egunero ematen zituen. Gaur publikatu duen txostenaren araberakoak dira albiste honetako datuak.
