Gasteizko hilketa matxista gaitzestera irtengo dira
19:30ean egingo dute elkarretaratzera San Juan plazan, M8 Asanblada Feministak deituta, 'Erasorik ez, erantzunik gabe' lelopean.
![](https://bidasoa.hitza.eus/site/files/2018/10/hilketa-matxista.jpeg)
Beste hilketa matxista bat gertatu da Euskal Herrian, eta aurten jadanik bost emakume hil dituzte. Azken biktima Erika Tavares 37 urteko emakumea izan da, Gasteizen: bikotekideak hil zuen herenegun labankadaz haien bi semeak bertan zirela.
Hilketa matxista hori salatzeko, gaur, 19:30ean, San Juan plazan, elkarretaratzera deitu herritarrak M8 Asanblada Feministak. Erasorik ez erantzunik gabe lelopean irtengo dira plazara.
Musukoa eramatea eta segurtasun distantzia betetzea eskatu du antolakuntzak.