Erdi Aroko sarearen argazki lehiaketan parte hartzeko azken eguna da gaur
Erdi Aroko Hiribilduen Sareak argazki lehiaketa abian du Instagramen; gaur da parte hartzeko azken eguna.
Marvao (Portugal) Erdi Aroko sareko kidea.
Erdi Aroko Hiribilduen Sareak argazki lehiaketa abiatu du Instagramen. Gaur izango da horretan parte hartzeko azken eguna. Monumentu ondarearen inguruko irudiekin parte har dezakete interesdunek argazkia sare sozialera igota eta #concursoFotoRed traola erabilita.
Sarea osatzen duten herri eta hirietan ateratako irudiak izan beharko dute. Hondarribiaz gain, sarean daude, besteak beste: Guardia (Araba), Lizarra (Nafarroa), Consuegra (Toledo, Espainia), Ciudad Rodrigo (Salamanca, Espainia), Sigüenza (Guadalajara, Espainia), Jerez de los Caballeros (Badajoz, Espainia), Almazan (Soria, Espainia) eta Marvao (Alentejo, Portugal).
