"Hau al da nahi dugun mundua, jendarte eredu eta lurraldea?"
Behe Bidasoko Eskubide Sozialen Kartaren egitasmoz, etorkizuneko Oiartzungo Amazon enpresa logistikoaren ereduaz eta honen aurrean egon daitezkeen alternatibez ariko dira ostegunean, hitzaldi batean.
Amazonen aurkako protesta Lanbarren industriagunean. Amazonen enpresa logistikoa Oiartzunen irekitzearen kontrako ekintza berri bat antolatu du Behe Bidasoko Eskubide Sozialen Kartak, oraingo honetan hitzaldi formatuan. Ostegunean (hilak 23) izango da, 18:30etik aurrera, Palmera Montero Gunean. Amazon ereduaz eta honen aurrean egon daitezkeen alternatibez ariko dira, finean, honakoa galdetzeko: “Hau al da nahi dugun mundua, jendarte eredu eta lurraldea?”.
“Gelditu ezean, honek inpaktu handia izango du eremu askotan: Lan baldintzen prekarizazioan eta eskubideen galeran, inpaktu ekologikoa, komertzio txikian, lurralde ereduan, etab”, diote Behe Bidasoko Eskubide Sozialen Kartako kideek. Irundar orori luzatu diote bertaratzeko gonbita.
