Hondoratutako lau marinelen inguruko umorezko istorioa ikusgai igandean
Kasino Zaharreko lorategietan eskainiko dute 'Glubs' izenpeko antzezlana Yllana Teatro konpainiak eta Nacho Vilar produkzioak.
!['Glubs' antzezlana ikusgai igandean, Kasino Zaharrean.](https://bidasoa.hitza.eus/site/files/2021/09/glubs_web-500x313.jpg)
‘Glubs’ antzezlana ikusgai igandean, Kasino Zaharrean.
Glubs umorezko antzezlana ikusteko aukera egongo da hilaren 19an, igandearekin, 19:00etan abiatuta. Yllana Teatro konpainiaren eta Nacho Vilar produkzioen eskutik, hondoratutako itsasontzi bateko marinelen inguruko istorioa ikusteko aukera izango dute ikus-entzuleek. Emanaldia Kasino Zaharreko lorategietan izango da. Sarrerak ohiko bideetan 5 euroan salgai.
Zabaldutako informazioaren arabera, hondoratze baten ondorioz lau marinel lehorrean agertzen dira noraezean. Aurrerantzean, helburu bakarra izango dute: euren itsasontzia ahalik eta azkarren porturatzea.