Mugikortasun Eraginkorraren Asterako jarduera ugari antolatu ditu udalak
'Zure osasunaren alde, mugitu modu jasangarrian' lemapean antolatu dute aurtengo jarduera programa. Ostegunetik hilaren 22ra arte antolatu dituzte jarduerak.
Mugikortasun Eraginkorraren Astearen barruan jarduera ugari antolatu ditu Irungo Udalak, hala jakinarazi berri du Borja Olazabal ordezkariak. Zure osasunaren alde, mugitu modu jasangarrian lemapean antolatu dute aurtengo jarduera programa, eta bereziki Zabaltza plaza eta ingurua hartuko du. Datozen egunotan bizikletan gozatzeko gonbita egin dute.
“Mugikortasun jasangarria geratzeko etorri da, baina horrek ez du kentzen egun hauek iristen direnean oinez, bizikletaz edo garraio publikoan mugitzeak dituen abantailei buruz sentsibilizazio mezuak berritzea. Horien artean, jakina, osasuna, aurtengo leloak dioen bezala, eta ahaztu gabe klima aldaketaren ondorioen aurka borrokatzen jarraitu beharra daukagula gizarte gisa”, esan du Olazabalek.
Jarduera gehienak aste honen bukaeran egingo dituzte, ostegunetik aurrera zehazki. Ondorengoa da egitarau osoa:
- Osteguna (hilak 16) eta asteartea (hilalk 21): Tipi-Tapa Irungo adinekoentzako programaren barruan, irteera ugari antolatu dituzte, 10:00etatik aurrera.
- Igandea (hilak 19): Merca2dasoa azoka bereziaren III. edizioa (bizikletak, patinak,
babestekoak eta ibilgailu horiek erabiltzeko gainerako elementuak erosi ahal izango dira) egingo dute Zabaltza plazan, 12:00etatik 19:00etara. - Igandea (hilak 19): Ordenagailu batetara konektatuko lau bizikleta baliatuz energia sortzen erakutsiko dute, 10:00etatik aurrera, Kolon pasealekuan.
- Igandea (hilak 19): Bizikletaz seguru nola ibili eta istripuak hobeto saihesteko giltzarriak emango dituzte 10:00etatik aurrera Kolon pasealekuan.
- Igandea (hilak 19): Bizikleta nork bere kabuz konpontzen ikasteko tailer bat eskainiko dute, 16:00etatik aurrera, Zabaltza plazan.
- Bizikleta martxa Irunen barrena, Zabaltza plazatik abiatuta (10:45an).
- Asteazkena (hilak 22): Bizi busa egitasmoaren barruan, Egukitzako ikasleak bizikletan joango dira eskolara.
