Santiagotarreko gazteak, fin Munduko Sprint Txapelketan
Junior zein 23 urte azpikoen kategorietan lehiatu dira gazteak. Arsuaga ahizpak eta Nerea Garcia primeran aritu dira, podiumean txoko bat egin baitute.
Joan den asteburuan Sprint Junior zein 23 urte azpikoen kategorietako Munduko Txapelketa jokatu zuten Santiagotarrak klubeko kirolariek, errekor historiko eta guzti. Lehen aldia izan baita taldeko hainbeste kirolarik parte hartzen dutela lehia honetan, nola gainera.
Ostiralean Aitor Gorrotxategi oso fin aritu zen K1 modalitateko 1.000 metroetan. B finalean bosgarren postuan sailkatu zen, hau da, munduko onenen sailkapenean hamalaugarren postuan. 500 metroko modalitatean finaletik oso gertu ibili zen, ia dominaren bat eskuratzeko aukera izan zuen. Denda den, arantza hori kentzeko gai izan zen B finalean gailendu ostean.
Nerea Garcia eta Teresa Tirado (23 urte azpikoen kategorian) izan ziren emaitza onena eskuratu zutenak. Munduko txapeldunorde izendatu zituzten K2 200 metroko modalitatean. Modalitate honetan lehiatu ziren ere Uxue eta Maialen Arsuaga, hirugarren postu bana eskuratuta. Beraz, zilarrezko eta brontzezko bi domina ekarri dituzte Irunera.
Garcia ere K4 500 metroko modalitatean aritu zen, zazpigarren postua lortuta. Bestalde, Uxue Arsuagak Marcos Caballerosekin batera seigarren postu bat eskuratu zuen K2 500 metroetan.
Azken txapelketa honekin amaiera eman diote denboraldia. Dena den, klubeko Martin Mirandak, Eider Amundarainek eta Unai Amostegik hitzordu garrantzitsua dute berehala; Munduko Maratoian ariko dira urrian, Errumanian.
