Irungo langile bat hil da Igantzin
Eugenio 'Ito' Legorburu da hildako langilea, Real Unioneko jokalari izan zena. 55 urte zituen.
Lan istripua Igantzin. Irungo langile bat hil da harrobi batean. Langile bat hil zen atzo, Igantzin, gidatzen ari zen kamioia irauli ondoren. Eugenio Ito Legorburu da hildako behargina, irundarra, Real Unioneko jokalaria izan zena. 55 urte zituen.
Harrobi batean izan zen ezbeharra, eta foruzaingoaren arabera, materiala garraiatzen ari zen istripua gertatu zen unean. Oraindik ezagutzen ez diren arrazoien ondorioz, kamioia irauli, eta bertan hil zen. Osasun langileak eta suhiltzaileak bertaratu ziren, baina ezin izan zuten ezer egin haren bizia salbatzeko. Foruzaingoa gertatutako ikertzen ari da.
Azken bost egunetan hiru langile zendu dira Euskal Herrian, lan istripu batean.
Minutu bateko isilunea
Real Unionek minutu bateko isilunea egingo du bihar, Celta Bren kontrako partiduan, Stadium Galen. Aitor Zulaika entrenatzaileak gogoan izan zuen Ito, eta pertsona “maitea”, “unionista” eta “kastakoa” zela esan zuen, eta besarkada bat bidali zion familiari.
