Adierazpen instituzional bateratua egin du udalak, adingabeekiko sexu abusuak salatzeko
Komunikatuan, sexu abusuak eta "halako ekintzak erabat eta irmoki" gaitzesten dituztela "biktimak bereziki zaurgarriak direlako" adierazi dute.
Eguerdian, udaletxeko arkupeetan, elkarretaratzea egin dute sexu abusuak gaitzesteko. Adingabeei sexu abusuak egotzita hondarribiar bat espetxeratu zuten aurreko astean, eta gertaera honek, herritarrengan “zirrara” eragin duela uste duenez udalak. Adierazpen instituzional bateratua eman dute argitara gaur udala osatzen duten kide guztiek. Horrez gain, elkarretaratzea egin dute udaletxeko arkupeetan, gaur eguerdian, ordezkari eta zinegotziek.
Komunikatuan, hasteko, sexu abusuak eta “halako ekintzak erabat eta irmoki” gaitzesten dituztela “biktimak bereziki zaurgarriak direlako” esan dute. Jarraian, “elkartasuna” adierazi eta udaleko gizarte zerbitzuengandik “behar duten arreta” eskura jarri dute. Honen harira, horren kontrako zerbitzu sarearen funtzionamendu “egokia, elkarlana eta koordinazioa” bultzatzeko hitza eman dute.
Ondoren, biktimei eta haien familiei “errespetua” erakutsi diete, halaber, herritarrek dituzten eskubideen aurka kolpatzen duten “indarkeria mota” guztiak errotik ezabatzeko “konpromiso irmoa, bizitza, askatasuna eta duintasuna” azaldu dute.
Amaitzeko, prozesu judiziala “errespetatzea” eskatu dute: “Horrek argitu beharko ditu egitateen inguruabarrak eta irismena, eta legez aurreikusitako moduan zigortu”.
