Txomin Sagarzazu alkateak agerraldia egin du gaur, biktimei eta haien familiei "elkartasuna" eta "errespetu osoa" adierazteko. Herria "hunkituta eta oso triste" dagoela esan du Sagarzazuk.
Agerraldia egin du alkateak, eta elkartasuna adierazi die sexu abusuen biktimei. Adingabeei sexu abusuak egiteagatik larunbatean atxilotutako eta atzo espetxeratutako hondarribiarraren kasuaren harira, Txomin Sagarzazu alkateak agerraldia egin du gaur, biktimei eta haien familiei “elkartasuna” adierazteko.
Hasteko, herria “hunkituta eta oso triste” dagoela esan du Sagarzazuk. Hala ere, gertatutakoari buruz uste du, “une honetan martxan dagoen jarduketa judiziala errespetatu” behar duela gizarteak. Bitartean, “errespetu osoa” eta “elkartasuna” adierazi die biktimei eta haien familiei.
Bestalde, kasu honen eraginak pairatzen ari diren guztiei, udal zerbitzuen arreta eskaini die Sagarzazuk, eta amaitzeko, udal bozeramaileekin “horrelako ekintzak gaitzesteko kontzentrazio bat egiteko lanean” ari direla aurreratu du.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
