'Erosi eta ikasi' laguntzak eskatzeko aukera irailean bukatuko da
Erosketen fakturak erakutsi beharko dira eta 125,100 edo 75 euro jaso dezake familia bakoitzak. Irailaren 30a da eskaera egiteko azken eguna.
Ohiko materialaz gain, musukoak eta hidrogelak erosteagatik ere laguntza jaso daiteke. ‘Erosi eta ikasi’ diru laguntzak eskatzeko epea zabalik dago ekainetik irailaren 30 arte eta udalak eskatu du “eskaera azken unera arte ez uztea” jende pilaketak saihesteko.
Lehen Hezkuntza edo Derrigorrezko Bigarren Hezkuntzan ikasten dabiltzan eta Irunen erroldatuta dauden familiei zuzenduta dago deialdia eta udalaren asmoa eskola materiala erosteko gastuekin laguntzea da.
Hiru kantitate jaso daitezke: 125, 100 edo 75 euro, familiak duen errentaren eta diru sarreren arabera banatuko dira laguntzak. Ondorioz, hezkuntza departamentuak adierazi du deialditik kanpo geratzeko aukera dagoela.
Koronabirusaren eraginez ikastetxera joateko derrigorrezkoak bihurtu diren elementuak aitortu daitezkeela gogorarazi dute, musukoak eta hidrogelak, alegia. Honetaz gain, idazteko materialak, sailkagailuak, kalkulagailuak, bizkar zorroak, testu liburuak eta ikastetxeetako uniformeak hartuko dira kontuan. Betiere Irungo saltokietan edo ikastetxeetan erosi baldin badira.
Eskaera egiteko, ekainak 22 eta irailak 30 artean egin behar dira erosketak eta hauen fakturak aurkeztu behar dira. Hiru modu daude tramitea egiteko:
- Irun txartelarekin orrialde honetan.
- Autozerbitzu terminaletan: HAZ Bulegoko sarreran, Palmera Montero gunean, Katea eta Anakako Kutxabank sukurtsaletan.
