KAE 1 Ligara igotzeko play-offean lehiatuko da Hondarribia B
Sailkapenean hirugarren, goiko mailarako txartela lortzeko arraunkadak emango ditu 'Ama Guadalupekoak' hurrengo asteburuko play-offean.
KAE 2 Ligako azken estropada etxean lehiatu zuen joan den asteburuan Hondarribia B-k. XV. Hondarribiko Arrantzaleen Kofradiako Bandera lortzeko jokoan laugarren izan zen Ama Guadalupekoa, eta hirugarren da sailkapen orokorrean. Azken horrek esan nahi du berdeen bigarren taldeak KAE 1-era igotzeko play-offa lehiatuko duela.
KAE 1-eko finalaren sailkapenarekin, zerrendako azken bi traineruak (Astillero eta Lapurdi) zuzenean jaitsiko dira KAE 2 mailara, eta horien aurreko biek (Castro eta Camargo) play-offa lehiatu beharko dute Portugalete eta Hondarribia B-rekin (KAE 2-ko bigarren eta hirugarren, hurrenez hurren).
Azken estropadarekin, Busturialdeak ligako lehen postua bermatu zuen bandera eskuratuz, eta hortaz, bigarren mailara zuzenean igotzeko txartela eskuratuz. Donostiarra B izan zen bigarren asteburuko lehia hartan. Hona hemen larunbatekoaren emaitzak:
XV. Hondarribiko Arrantzaleen Kofradiako Bandera. Estropadako sailkapena.
| Elkartea | Denbora | ||
|---|---|---|---|
| 1º | BUSTURIALDEA | 20:53,66 | |
| 2º | DONOSTIARRA-AMENABAR | 21:00,58 | |
| 3º | ZARAUTZ-GESALAGA-OKELAN | 21:09,17 | |
| 4º | GO-FIT HONDARRIBIA | 21:12,99 | |
| 5º | DEUSTO-BILBAO B | 21:16,05 | |
| 6º | PORTUGALETE | 21:31,75 | |
| 7º | MUTRIKU | 21:34,55 | |
| 8º | HIBAIKA SUSPERREGI EDUKIONTZIAK | 21:50,09 | |
| 9º | IRC SANTOÑA | 22:30,47 | |
| 10º | ILLUNBE-FUNERARIA VASCONGADA | 22:50,48 |
Euskotren Liga, lagunartekoa
Euskotren Ligari orain bi asteburu Zarautzen bukaera eman bazioten ere, joan den igandean lagunarteko lehia izan zuten XIII. Txingudiko bandera-Ondoan saria lortzeko. Hondarribiko neskak azken (laugarren) izan ziren, sailkapen orokorrean bezala; play-offa jokatu beharko dute, beraz, postua bermatzeko.
