Orientazio ikastaroa Lapurriturriko informazio gunetik abiatuta
Mapa eta iparrorratza nola erabili irakatsiko du Gipuzkoako Orientazio Taldeak Erlaitzen. Izen ematea abuztuaren 22tik aurrera egin ahalko da.
Orientazio ikastaro bat antolatu du Aiako Harria Parke Naturaleko Lapurriturriko informazio guneak, udaleko Garapen Iraunkorreko arloak sustatuta. Irailaren 5ean, igandea, 10:00etan hasiko da aipatutako informazio gunean, Erlaitz inguruan, eta 14:00etan amaituko da. 
Gipuzkoako Orientazio Taldeak zuzenduko du tailerra eta bi zati izango ditu; lehenik, mapa eta iparrorratza nola erabili ikasiko da, eta, ondoren, ibilbide batzuk proposatuko dira, ikasitakoa praktikan jartzeko.
Abuztuaren 22tik aurrera eta irailaren 2 arte, adin guztietako pertsonek izen eman dezakete tailerrean. Horretarako, orrialde honetara jo edo 010 telefonora deitu behar da.
Informazio guneak gomendatu du, oinetako eta jantzi erosoak eramatea. Hamaiketakoa eta iparrorratza eramatea parte hartzaileen esku dagoela ere adierazi dute.
