Artisau azoka, dantzariak eta elikadura XXX. Herri Giroa jaialdian
Abuztuaren 1ean XXX. Herri Giroa ospatuko dute Hondarribian. Ekitaldi nagusia 25 artisauk osatuko duten azoka izango da. Egun osoko iraupena izango du.
Herri Giroa jaialdiko irudi bat Hondarribiako alde zaharrean Hondarribiko Udalak Bidasoako Eskuz-Lan artisau elkartea eta Nafarroako Napar Bideak elikagai artisauen elkartearekin batera antolatu du XXX. Herri Giroa azoka. Igande honetan, abuztuak 1, izango da Kasino Zaharreko lorategian.
25 postu inguruk osatuko dute hau. Haietako gehienak Bidasoakoak izango dira eta bitxiak, jostailuak, ilustrazioak, haurrentzako artisautza eta egurrarekin, kristalarekin, larruarekin edo eta zeramikarekin egindako gauzak eskainiko dituzte. Nafarroatik etorritakoek, ordea, elikadura nabarmenduko dute.
Goizeko 10:30etik 14;30era eta 17:00etatik 20:30erako ordutegian egongo da zabalik. Tartean, Meakako Adixkideak taldeko dantzarien ekitaldia izango da: 12:00etan Erregina Baluartean. Eguraldi txarra eginez gero dantzaldia frontoira lekualdatuko dela aurreratu dute.
Edukiera mugatua izango da, baina sarrera doakoa eta gonbidapenak Arma plazan edo helbide honetan eskura daitezke.
