Teresa Errandonea, Olinpiar Jokoetara
Munduko Atletismo Rankingean 29. tokira igo da, eta horrek Tokioko Olinpiar Jokoetan parte hartzeko aukera emango dio.
Teresa Errandonea. Argazkia: Twitter, Teresa Errandonea. Ametsa beteko du Teresa Errandonea BAT Bidasoa Atletiko Taldeko atleta irundarrak: datorren abuztuan Tokio Olinpiar Jokoetan parte hartuko du. Dagoeneko lanak eginda, Munduko Atletismo Ranking berritzeko zain zegoen Errandonea, eta 29. postura igo da, Tokiorako txartela lortuz. Rankingeko lehen 40 atletek izango dute Olinpiar Jokoetan lehiatzeko aukera.
Azken hilabeteotan puntuak batzen ibili da, eta joan den ekainaren 19ko Madrilgo Meetingean marka pertsonala hobetzea lortu zuen: 13.04.
Errandonea pozik azaldu da Twitterren lorpenarengatik. Horrez gain, hainbat elkartek zoriondu dute, tartean, BATek. Urte askoren lanaren emaitza izan dela nabarmendu du atletismo taldeak. Horrez gain, BAT Basque Teamek ere zoriondu du. Hain zuzen, Basque Team beka Errandonearentzat izan da aurten. Jose Antonio Santano alkateak Tokiora iristea “zalantzarik gabeko lorpena” dela nabarmendu du, eta hemendik aurrera, “dena ematera” irten behar duela.
https://twitter.com/trserrandonea/status/1410302975239671810
