Mugikortasun iraunkorra izango dute hizpide asteazkenean
Argitu programaren barruan 'Ibilgailu elektrikoak eta mugikortasun jasangarrirako aukerak' izenpeko 'online' tailerra antolatu du Aldundiak.
Auto elektrikoa.
Gipuzkoako Foru Aldundiak antolatutako Argitu programaren baitan, Ibilgailu elektrikoak eta mugikortasun jasangarrirako aukerak izenpeko online tailerra eskainiko du Ingurumen sailak etzi, asteazkenarekin, 18:00etan.
Saioa jarraitzeko interesa duten lagunek izena eman beharko dute aldez aurretik, ondoko posta elektronikoan, edo 943 16 41 72 / 605 75 76 87 telefono zenbakietan. Ordu eta erdiko iraupena izango du tailerrak eta Interneteko konexioa izatea besterik ez dela behar zehaztu dute antolatzaileek.
