Hamar urte Alkateen Klima eta Energia Itunari atxiki zela Irun
Jose Antonio Santano alkateak diploma bat jaso du gaur goizean hiriaren izenean, udalak eraginkortasunaren eta energia efizientziaren alde egindako konpromisoaren erakusgarri.
Hamar urte bete dira jada Irun alkateen Klima eta Energia Itunari atxikin zitzaionetik. Horren harira, Jose Antonio Santano alkateak diploma bat jaso dut gaur goizean hiriaren izenean, udalak eraginkortasunaren eta energia efizientziaren alde egindako konpromisoaren erakusgarri. Ekitaldia Donostiako (Gipuzkoa) Miramar jauregian egin dute.
Alkatearen arabera, «diploma honek Irungo Udalak 2010ean adierazi zuen borondatea saritzen du, orduan egin baikenuen bat ingurumena babesteko funtsezko tresna horrekin, eta tokiko mailatik gure ekarpena egin nahi izan dugu hiri jasangarriagoak lortzeko bidean. Badakigu lasterketa luzea izango dela eta, jakina, asko dugula egiteko oraindik, baina hauxe da bidea».
Orain dela hamar urteko atxikimen du horren harira, udalak bat egin zuen energiaren alorreko Europako egitasmoaren helburuarekin: berotegi efektuko gasen emisioak murriztea, energia efizientzia areagotzea eta energia iturri berriztagarriak sustatzea. Ordutik, ondorengo proiektuak abiarazi dituztela gogoratu du alkateak: Irun 30 (hiriko ibilgailuen abiadura 30 kilometro ordura jaisteko), lehenengo autobus linea guztiz elektrikoa izatea, etxebizitzetarako eraikinen irisgarritasuna hobetzeko diru laguntzen deialdia edo etxebizitza zein saltokietako energia efizientzia hobetzekoak.
Zentzu horretan Santanok Eraginkortasun Energetikoaren Mahaiaren sorrera nabarmendu nahi izan du. Lehen bilkura joan den hilaren 10ean egin zuten, eta eztabaidatutako gaien artean, Hiriko Mugikortasun Eraginkorraren Plan berria eta azken urteotan eraginkortasunarekin lotuta egindako hainbat jardueren balorazioa, berotegi efektuko gasen emisioak 17 inguru murriztea edo hiriko energia kontsumoaren guztizkoaren %4 jaitsiera.
Gaur, aldiz, SUM Bilbao 2021 Nazioarteko Kongresuaren lehen bilkura egin dute eta bertan mugikortasuneko adituek garraio masiboaren etorkizuna aztertu dute. Han izan da, udalaren izenean, Borja Olazabal Garapen Eraginkorreko eta Kirol saileko ordezkaria.
