Ikasteko ordutegia eta espazioa zabaltzeko eskatu du berriro EGIk
CBA Udal Liburutegian nahikoa tokirik ez dagoela salatu dute beste behin. Udalari eskatu diote eskaeraren arabera egokitzea, «irundarrak ez daitezen gure hirian ikasteko tokirik gabe geratu».
Processed with VSCO with c1 preset Urte hasieran CBA Udal Liburutegiaren espazioa eta ordutegia zabaltzeko eskatu zion EGIk udal gobernuari, «COVID-19ari aurre egiteko ezarritako murrizketak arintzeko», eta ordutik erantzunik jaso ez dutela salatu berri dute. «Udal gobernuak Irungo gazteen beharrei ez erantzutea erabaki du», salatu dute hedabideei bidalitako ohar batean.
Hurrengo azterketa garaia hurbil egonik, eta urtebete baino gehiagoko pandemiaren ostean nahikoa espaziorik ez dagoela diote amorruz. Horregatik berriro eskatu diote espazio berriak egokitzeko, «irundarrak ez daitezen gure hirian ikasteko tokirik gabe geratu».
«Udalak DBHko, Batxilergoko, Lanbide Heziketako eta unibertsitateko ikasleei lagundu behar die ikasten. Irun bizitzeko eta erosteko ez ezik, ikasteko hiria ere izateko
garaia da. Ez dira une errazak, baina gure esku dago Irungo gazteei etorkizuna lantzen eta prestatzen uztea», erantsi dute EGIko kideek.
