13 domina poltsikoratu ditu BATek
Euskadiko 18 eta 20 urte azpikoen Txapelketa jokatu dute asteburu honetan Durangon (Bizkaia) Bidasoa Atletiko Taldeko (BAT) gazteek. Oso fin aritu dira horietako asko.
Euskadiko 18 eta 20 urte azpikoen Txapelketa jokatu dute asteburu honetan Durangon (Bizkaia) Bidasoa Atletiko Taldeko (BAT) gazteek. Oso fin aritu dira horietako asko; orotara, 13 domina eskuratu ditu klubak.
18 urte azpikoen kategorian, Beñat Miquelarena berriro lehiatzeko prest dagoela erakutsi du, bi domina eskuratu baititu. Urrezkoa izan da lehena, 200 metroetan, eta bestea zilarrezkoa, 100 metroetan.
Unai Martin eta Josu Iturrioz ere oso fin aritu dira, txapeldunorde izendatu baitituzte. Martinek 1,65 metroko saltoa gainditu du altuerako saltoan, eta Iturriozek aldiz, 4’48”39-ko marka ezarri du 1.500 metroetan.
Nesketan Laia Olascoaga izan da dominarekin itzuli den kirolari bakarra. 100 metroetan aritu da, eta azkenean 12,52 segundoko marka ezarri du. Martina Villar taldekidea, tamalez, finalaren ateetan geratu da.
20 urte azpikoen kategorian aldiz, Jone Fuentek Euskadiko txapeldunaren titulua eskuratu du, 1.500 metroetan. June Lizaso eta Paula Añorgak aldiz, zilarrezko domina banarekin itzuli dira. Lizaso luzerako saltoan aritu da (5,36 metroko saltoa egin du) eta Añorga aldiz, pertikako saltoan (3,10 metrokoa).
Lizaso, gainera, brontzezko domina bat eskuratzeko ere gain izan da (100 metroetan oraingoan), eta Malen de la Fuentek ere hirugarren postuan amaitu du lehia (pertikako saltoan 2,80 saltoa egin ostean).
Eva Queimaño, Galiziako txapeldun
Asteburu honetan ere BATek ordezkaritza izan du Galizian jokatutako proba konbinatuen txapelketan. Primeran aritu da klubeko Eva Queimaño, txapeldun izendatu baitute.
4.706 punturekin amaitu du heptatloia Queimañok, Alicia Merino Perezetik bi puntura.
Asteburu honetan aldiz taldekideekin lehiatuko da Zaragozan, Ohorezko Mailako bigarren jardunaldian.
