Via Irun proiektuaren inguruko azken berriak errepasatu dituzte
Udal gobernuko eta Oiasso 2000 federazioko kideek proiektua zertan datzan eta etorkizunerako aurreikusitako pausoak aztertu dituzte. Katea Plaiaundiko korridorearen gaineko azterketaz ere aritu dira.
Atzo (hilak 5), auzo elkarteen Oiasso 2000 federazioak Via Irun proiektuaren gaineko berriak errepasatzeko topaketa egin zuen Irungo udaletxean. Bertan, elkarteko kideez gain, Jose Antonio Santano alkatea, Miguel Angel Paez alkateordea, David Nuño bigarren alkateordea eta Monica Martinez Parte Hartze saileko ordezkaria izan ziren.
Atzoko saioan proiektua zertan datzan eta etorkizunean zein pauso emango diren aztertu zuten, ADIFek geltoki berriaren proiektua helarazi ostean. Horrez gain, udalak Katea eta Plaiaundi arteko korridore ekologikoa garatzeko enkargatu berri duen azterketaren xehetasunak ere eman zituzten.
