Antzerki tailerrak egingo dituzte Oiasso museoan
Oiassortu egitasmoaren barruan, haur, gazte zein helduei zuzendutako tailerrak prestatu dituzte, eta antzerki munduan eskarmentua duten pertsonek zuzenduko dituzte.
Oiassortu egitasmoa aurkeztu dute. Oiasso museoak antzerki mundura jauzi egingo dute, eta Oiassortu egitasmoaren barruan, datozen hilabeteetan, antzerki tailerrak eskainiko ditu. Antzerki klasikoa heldu, gazte zein haurrengana hurbiltzea da xedea.
Atzo egin zuten aurkezpena Eunate Encina Kultura arlo zuzendariak eta Aizpea Goenaga Oiasso Museoko koordinatzaileak. Oiasso museoak “pedagogia lan handia” egiten duela azaldu zuten kultur ondarea ikastaro eta tailerren bidez adin guztietara zabaltzeko.
Zentzu horretan, partaideen adinera egokitutako programa eskainiko dutela adierazi zuten, eta horiek antzerki munduko profesionalek emango dituztela.
Tailerrak maiatzean hasiko dira, ekainaren bukaerara arte. Parte hartzeko Oiasso museoarekin jarri beharko da harremanetan actividades.oiasso@irun.org helbidean edo 943 63 93 53 telefono zenbakian.
Helduentzako antzerki tailerrak
- Arduraduna: Aizpea Goenaga
- Adina: 21 urtetik aurrera
- Egunak: maiatzaren 4tik ekainaren 21era, asteartero
- Ordutegia: 18:45-20:00
Helduentzako irakurketa dramatizatuen tailerra
- Arduraduna: Ana Perez
- Adina: 18 urtetik aurrera
- Egunak: maiatzaren 27tik ekainaren 24ra, ostegunero
- Ordutegia: 18:30-20:00
- Prezioa: 15 euro
Haurrentzako antzerki tailerrak
- Arduraduna: Maider Galarza
- Adina: 8-13 urte
- Egunak: maiatzaren 5etik ekainaren 22ra, asteazkenero
- Ordutegia: 17:15-18:30
- Prezioa: 20 euro
Gazteentzako antzerki tailerrak
- Arduraduna: Maider Galarza
- Adina: 14-20 urte
- Egunak: maiatzaren 5etik ekainaren 22ra asteazkenero
- Ordutegia: 18.45-20:00
