Oztopo-Jauzien Kopa jokatuko dute Jaizubiako Zaldiketa Eskolan
Zaldiek zeukaten gaixotasun batengatik, atzeratu behar izan zuten lehiaketa joan den martxoan, eta orain berreskuratuko dute.
Jaizubia Hipika Klubeko ordezkariak gaurko aurkezpenean. I. Oztopo Jauzien Kopako lehen bi jardunaldiak jokatuko dituzte asteburu honetan Jaizubiako Zaldiketa Eskolan. Lehiaketa hori joan den martxoaren 6 eta 7an egitekoak ziren, baina rinoneumonitis infekzioso-kutsakor agerraldi bat izan zuten zaldiek, eta bertan behera geratu zen.
Euskal Herri osotik etorritako kirolariek hartuko dute parte, 1,00 eta 1,30 metroko oztopo jauzietan lehiatuko dira, eta kanpoko 85x70eko geotextil pistan. Aurretik hasiko da, ordea, ikuskizuna, 0,50 eta 0,80 metroko oztopo jauziekin, baina hori ez da koparako puntuagarri izango.
Txapelketa 09:00etan hasiko da eta 18:00etara arte luzatuko da.
Logo berria
Hemendik aurrera, zaldiketa eskolak logo berria estreinatuko du, Carlos Etxebeste diseinatzaileak ondutakoa. Aurreko logotik ferra eta hosto berdea mantenduko dituzte albo batean, eta, bestean, berriz, ezkutua gaineratu diote.
