Marlaxka gailendu da Gipuzkoako Banakako Beteranoen txapelketan
Josu Tornay eta Fernando Hoyos jokalariek parte hartu dute Beteranoen mailan, eta lehenak eskuratu du garaipena. Gazte mailan ordezkaritza ere izan du klubak.
Marlaxkak irabazi du Beteranoen kategorian.
Gipuzkoako Banakako Beteranoen lehen postua lortu du Hondarribiko Marlaxka Xake Klubeko Josu Tornay jokalariak. 1971. urtean edo aurretik jaiotakoen arteko lehian Fernando Hoyosekin batera ordezkatu zuen kluba Tornayk. Hoyosek zazpigarren postua eskuratu zuen sailkapen nagusian, eta bigarrena, 1955. urtean edo aurretik jaiotakoen sailkapen berezian.
Gazte mailari dagokionez, Haizea eta Aritz Tornayk ordezkatu zuten talde hondarribiarra. “Oso lan txukuna” egin ondotik, bederatzigarren eta seigarren sailkatu ziren jokalariak, hurrenez hurren. 2003an edo ondoren jaiotakoek parte hartu zuten kategorian.
