«Ozen esango dugu euskal presoak etxean, lantokietan eta bizirik nahi ditugula»
Hileko azken ostirala izanik, euskal presoak etxean, lantokietan eta bizirik nahi dituztela aldarrikatzeko elkarretaratzera deitu du LABek. 13:00etan bilduko dira.
![](https://bidasoa.hitza.eus/site/files/2021/03/captura-de-pantalla-2021-03-25-a-las-14-39-30.png)
Hileko azken ostiraletan bezalaxe, Oarso Bidasoko LAB sindikatuak mobilizatzera deitu ditu irundarrak bihar (hilak 26), euskal presoak etxean, lantokietan eta bizirik nahi dituztela aldarrikatzeko. 13:00etan bilduko dira, oraingo honetan Palmera Montero aurrean. «Ozen esango dugu, Euskal Herrian, lantokietan eta bizirik nahi ditugula. Bada garaia!», esan dute sare sozialetatik. Irundar orori luzatu diote bertaratzeko gonbita.