Aldundiaren energia programarekin bat egiteko eskaria egin du PSE-EEk
Hondarribia energetikoki eraginkorrak diren komunitateen programaren parte izateko galdegin dio talde sozialistak EAJren udal gobernuari.
Energia berriztagarrien alde egiteko eskatu du PSE-EEk.
Hondarribia Gipuzkoako Foru Aldundiko Ingurumen departamentuak sustatutako energia eraginkorren komunitateen programan parte hartzeko galdegin dio PSE-EEk EAJri, komunikabideetara bidalitako ohar baten bidez. Iosu Alvarez sozialisten bozeramaileak nabarmendu duenez, “energia iraunkorra, ekonomia zirkularra eta degradatutako eremuetan proiektuen exekuzioa bultzatzeko diru-laguntzak dira programak bultzatutakoak”.
“Berrikuntza”, Alavarezen esanetan, “komunitate eta eguzki kooperatiben diru-laguntzetan dago”. Horren arabera, auzokideak izango lirateke euren beharrak asetzeko eguzki parke energetiko txikiak kudeatuko lituzkenak.
Zumarraga izango da energia eraginkorra sortzen duen lehen komunitatea, eta aurreikusi dutenez, 200 etxebizitzentzako energia fotovoltaikoa sortuko du.
