190 lagunek jaso dituzte euskara ikasteko diru laguntzak
Udalak 63.350 euroko aurrekontua bideratu du HABEk homologatutako euskaltegietan edo helburu bera duten beste ikastetxeetan ikasteko.
Udaletxean Euskaraldiaren banderola jarri dute. Joan den ikasturteko euskara ikasteko diru laguntzen gaineko balorazioa egin du Irungo Udalak, eta, guztira, 190 lagunen eskaerak onartu zituzten. Guztira, 230 lagunek eskatu zituzten laguntza horiek euskara ikastaroak diruz laguntzeko, eta 40 geratu ziren kanpoan, baldintzak ez betetzeagatik.
Udalak 63.350 euroko aurrekontua zuten HABEk homologatutako euskaltegietan edo helburu bera duten beste ikastetxeetan ikasteko. Aurrekontu horrekin ere finantzatzen dituzte Euskararen Nazioarteko Egunarekin lotutako edota lantokietan euskara sustatzeko ekintzak.
Laguntza horien garrantzia nabarmendu du udalak, “euskara ikasteko edo ezagutza maila hobetzeko pertsona askok egiten duten ahalegina saritzen” duelako .
