Bizikleta, patinete elektriko eta motozikleten erabilera arautzeko eskatu du PSE-EEk
Oinezkoekin partekatutako eremuetan gatazkak sortzen ari direla adierazi du Iosu Alvarez bozeramaileak; ordenantza osatu artean zirkulaziorako araudi orokorra aplikatzeko galdegin du.
Istripuak gutxitzea dela helburua dio PSE-EEk.
Bizikleten, patinete elektrikoen eta motozikleten erabilera erregulatzeko araudia galdegin dio PSE-EEren udal taldeko bozeramaile Iosu Alvarezek EAJren udal gobernuari. Ibilgailuek oinezkoekin partekatutako espazioetan arazoak sortzen ari direla-eta helarazi dio eskaria sozialistak gobernu taldeari. Hala, mugikortasunerako udal ordenantza bukatu bitartean, zirkulaziorako araudi orokorra aplikatzeko eskatu du Alvarezek. «Istripuak gutxitzea eta kolektibo zaurgarrienak babestea da helburua», bukatu du.
