COVID-19aren tasaren igoera apala Irunen eta Hondarribian
Astetik astera 100.000 biztanleko tasa 88tik 129ra igo da Hondarribian; Irunen ere goranzko joera hartu du, 76tik 97ra hazi baita.
Azken egunetan gorantz egin du COVID-19aren 100.000 biztanleko tasak bai Irunen zein Hondarribian. Hilaren 7an (igandea), esaterako, tasa hori 88koa eta 76koa zen Hondarribian eta Irunen hurrenez hurren. Atzo (hilak 14, igandea) tasa 97koa zen Irunen, eta 129koa Hondarribian.
Asteburuan 11 kutsatu gehiago atzeman dituzte Hondarribian (hiru ostiralean, zazpi larunbatean eta bakarra igandean), eta beste hamahiru Irunen (lau ostiralean, hiru larunbatean eta sei igandean).
Albiste honetako datuak Osasun Sailaren webgunetik hartutakoak dira.
