[Dokumentala] 'Martxoaren 8ko hitzak'
Azken urteotako mobilizazio historikoak gogoratu, pandemiaren eragina aztertu eta aurtengo martxoaren 8aren gaineko gogoeta egin dute Oarsoaldea eta Bidasoko elkarte feministek. Emeki, Su Txikian eta Parean dira eskualdeko protagonistak.
Dokumentalaren une bat. Joan den urteko martxoaren 8an manifestazioan jasotako irudi bat da, Hondarribiko Kale Nagusirako bidean. Azken asteotan martxoaren 8aren gaineko dokumental lantzen aritu da HITZA, eta jada ikusteko aukera dago. Oarsoaldea eta Bidasoko elkarte feministekin bildu da, azken urtetako mobilizazio historikoak gogoratu, pandemiaren eragina aztertu eta aurtengo martxoaren 8aren gaineko gogoeta egiteko. Zehazki, Irungo Su Txikian (Maddalen Irastorza Oiarbide) eta Parean (Miren Lanz Solbes), Hondarribiko Emeki (Maria Jesus Berrotaran Etxeberria), Lezoko Emakumeen Taldea (Garbiñe Lozano Real), Oiartzungo Feministen Asanblada (Inexa Maritxalar Iraeta), Pasaiako Harremantxo (Udane Migeltorena Tolosa) eta Errenteria-Oreretako mugimendu feminista (Neka Tomasena Elorza) dira ikus-entzunezkoaren protagonistak.
