Manifestaziorik ez, baina kalean izango dira emakumeak
Bidasoko Asanblada Feministak elkarretaratzeak antolatu ditu Irun eta Hondarribian, eta 19:00etan, eltzekadarako deialdia egin dute balkoietatik.
Irungo udaletxea Martxoaren 8ko xingola morearekin. Izurriteak baldintzatutako Martxoaren 8 honetan, Bidasoko Asanblada Feministak ez du manifestaziorik antolatu, baina, mobilizazioak izango dira, emakumeak pairatzen ari diren egoera ikusaraztea beharrezkoa dela adierazi baitute.
Irunen, lehen deialdia, 12:30ean izango da, San Juan plazan, eta hurrena, arratsaldean, 18:30ean, toki berean. Horrez gain, 19:00etarako eltzekada egiteko deia luzatu diete irundarrei. Zainketek ez dute kromosomarik ulertzen. Erantzukidetasuna lelopean irtengo dira Bidasoko Asanblada Feministako kideak.
Hondarribian, berriz, 18:30etik 19:00etara, Martxoaren 8 plazan elkartuko dira, eta zazpietarako bost minutu faltan, eltzekada egingo dute balkoietatik.
Itaia
Irunen beste deialdi bat ere egin du Itaia Emakumeen Antolakunde Sozialistak elkarretaratzea egingo du, 18:00etan, epaitegien aurrean.
